八达通App终加入“朋友过数”功能，仲请你食Haagen-Dazs！
近年香港的手机支付服务竞争越来越激烈，不论是外国或大陆都有唔少品牌争先喺香港插旗。而作为本地占有率最高慨八达通，一路以来俾人感觉都系十分之“唔愿郁”。不过，眼见个个都争住食呢块饼，而家都终算感受到威胁而肯“郁多少少”。
八达通之前其实都叫做“郁左一小步”，就系推出左一个叫“好易畀 O! ePay”慨新 App。之但系，由于登记过程复杂，而且仲需要上传身份证及地址证明等个人资料而吓怕用户。最终，令到呢个 App 普及率并不高。
而今日，八达通宣布升级旗下慨“八达达 App”，主要就系将 O! ePay 功能整合埋入去，令到呢个主 App 可以有 O! ePay 慨 P2P (Person to Person) 个人对个人转账服务。
加上，今次升级后申请免费账户慨程序都简单左好多。如果系申请最简单慨 Lite 账号，大家只需输入手机号码以及电邮地址即可以。不过 Lite 用户就比较多限制，例如每日转账额最多只系 3,000 蚊。如果想要多啲，咁就要升级上 Plus 或系 Pro。升级版账号就需要多啲个人资料，包括上传身份证明文件等。而好处系可以提升最高储值限额至 10,000，以及可以转账至银行等。
透过原有慨 O! ePay 功能，新八通 App 就可以用 P2P 方式畀返钱朋友，或者 send 个请求出去问返朋友收钱。收钱果阵，你仲可以用 App 先设定系平均分账、逐个朋友收唔同钱等，以后一齐食饭唱K之后要夹单就方便得多。
至于点入钱落去个 O! ePay 户口度，等你可以过数畀俾友或者网上买野呢？由于暂时冇得好似实体卡咁用信用卡自动增值，所以你只能够由银行过数、由已登记慨八达通将余额转账或者系去7仔度增值。
今日 (6 月22 日) 起至 9 月 21 日之前，首 8 万名成功登记并且加入最少一名朋友，仲有一杯单球 Haagen-Dazs 雪糕送，大家有需要就唔好错过啦。
标签: 游戏头条 资讯头条 ggamen科技资讯 ggamen科技 ggamen科技资讯头条 科技资讯头条 ggamen游戏财经 新闻网 科技新闻网 科技新闻 ggamen游戏新闻网 科技新闻 科技新闻网 新闻网 ggamen游戏财经 科技资讯头条 ggamen科技资讯头条 ggamen科技资讯 资讯头条 游戏头条 ggamen ggamen游戏新闻网 科技新闻 新闻网 ggamen游戏财经 科技资讯头条 ggamen科技资讯头条 ggamen科技资讯 资讯头条 游戏头条
