神卡SoSIM全线百佳有售、自助增值，要咁样玩先至最抵！？
上个月月头，诚哥旗下慨百佳超市联同 3HK Soft Launch 咗一张“穷L救星”储值卡SoSIM，初期只限旗下指定 10 间百佳 (或旗下副品牌) 超市发售。张卡一出疯摩全港穷 L 学生哥界与及姐姐界，每次返货都被人扫晒。而今日 3HK 就宣布，SoSIM 现已于逾 250 间百佳或旗下副品牌超市有售。
SoSIM 玩法好简单直接，张卡就系一张储值卡，卖 $33 蚊用 30 日，有号码里面包 10,000 分钟通话时间，而且仲有 50GB 4G 42Mbps 数据，其后限速至 128Kbps 无限任用。
除咗本身 50GB 4G 42Mbps 数据外，启动张卡仲有再送三项优惠，包括额外 50GB 社交数据 (可用于 Facebook、Instagram、WhatsApp、LINE、WeChat)，另外每日 11pm-7am 仲有无限任用数据 (最高 7.2Mbps)。以及，10 倍易赏钱积分奖赏。
▲ 自助收银机揿下最右上角个增值制就可以一步步跟住增值。
张卡卖 $33 用 30 日，如果想继续用慨就可以 Keep 住增值，每个月重新扣 $33 就有多 50GB 4G 42Mbps 数据俾你继续用。而家增值都方便，可以去百佳收银柜台同 EE 讲，或者自己行去门口自助付款机度自己增值都得。
▲ 最少增值额系 $20，可以帮张卡延长多 30 日 (有限期)，之但系 $20 并唔够用来开多一个月 50GB 数据用，所以你需要再增值到够佢每个月扣一次 $33 蚊先得。
不过，如果要计最抵玩就系每个月去买一张实体卡，咁样就会多返果几项开卡优惠，但缺点当然系比较麻烦同埋个号码会每张卡都唔同。如果你买呢张卡只系谂住用来插落 SIM 2 卡槽度专烧 Data 用，而你又唔介意每个月去买一张咁就 Go 啦 (环保？算啦，当有着数喺你面前，你系唔会理架啦，人少少认咗佢啦）。
全线逾 250 间百佳超市及旗下副品牌包括：Fusion、Taste、International、food Ie parc、Gourmet、Great Food Hall 及 Su-Pa-De-Pa。
标签: 游戏头条 资讯头条 ggamen科技资讯 ggamen科技 ggamen科技资讯头条 科技资讯头条 ggamen游戏财经 新闻网 科技新闻网 科技新闻 ggamen 科技新闻 科技新闻网 新闻网 ggamen游戏财经 ggamen科技资讯头条 ggamen科技 ggamen科技资讯 资讯头条 游戏头条 ggamen ggamen游戏新闻网 科技新闻 科技新闻网 新闻网 科技资讯头条 ggamen科技资讯头条 ggamen科技 ggamen科技资讯 游戏头条
