自由鸟推月费新低价：$38300MB+无限限速任上网！

2025-05-07 212

香港电讯市场向来竞争得十分之激烈，数家电讯商自旧年开始就纷纷针对唔同市场客户群作出减价调整希望可以尽吸新客仔。自由鸟 Mobile 自推出以来不停有新动作，可以话系对市场带来唔少冲击，而对于各位用户来讲，当然系好事啦，因为有竞争先有着数啊吗！

之前自由鸟公布推出月费果时，只有 $90/5GB/月同 $120/7GB/月可以拣，而近日再宣布加推一个入门计划，将月费压低至 $38。需知道，由于佢地卖点系无行政费无合约制，所以 $38 就系 $38。

至于呢个 $38 入门版月费，每个月就包咗 300MB 4G LTE 21Mbps 本地数据，如果用凸咗可以自行加购数据，又或者唔加都可以继续无限上网，只系速度会限至 128Kbps，同时都包埋 1,000 分钟本地通话时间。

300MB 对好多“大人”来讲紧系唔够啦，半日都可以用晒。但系对屋企小朋友或者长辈来讲都用得下，始终一般 WhatsApp 都够，甚至净系用来养号码都 Okay。加上佢个玩法仲有“数据 P2P”，唔够可以叫家人或朋友 Share 数据。睇来今次自由鸟呢个定位应该都吸引到唔少新客仔。

更多关于自由鸟玩法，可以睇返我地呢篇：“自由鸟 Mobile”咁用最着数！

2018-05-22 15:35:00