每周新闻淘虾多【3月15日】
哈哈 , 谂唔到今日我虾哥会黎到 Qooah 平台挂 . 今日开始 , 我虾哥就会系呢度同大家讲新闻 . 好, 事不宜迟 , 立即转身射个三分波!!
今个星期最爆o既新闻一定系 Apple 发布 Apple Watch 同埋一部新 Macbook Air , 我地先黎讲下 Apple Watch , 大家见到只 Apple Watch D icon 好似生野咁 , 有密集恐惧症慨人真系怕怕 . 其实系华强北一早就已经有山寨版 Apple Watch .
山寨版 Apple Watch 一早就系华强北卖得成行成市 , 而且只需要三百几人仔就有交易 , 正版要二千几?? WTF ……
山寨 Apple 仲可以直接插 SIM 打电话你都咪话唔爽, 又可以直接影相 , 呢D功能连正货都冇 , 你话 Tim Cook 出咩产品 , 仲要咁X贵… 好啦, 我唔笑你啦~~
讲完个表我地黎睇下部 Macbook Air 2015 , 小佢个喇叭 , 部野真系唔似系比正常人用 , 全身得一个 USB-C 头 , 用得黎充电就插唔到 USB , 真系男人勿用(冇得插) , 为左薄D真系咩都可以放弃 , 你不如直接出部12吋平板咪算啰 , Steve Jobs 真系死左都弹返起 .
不过部野都唔系冇好处慨 , 起码有个 Retina Display 啰 , 同埋成部机真系好薄 , 薄到可以用黎 CUT J , 想戒 J 慨朋友可能岩用?
讲到薄我地不得不讲 HTC One E9
大家都知架啦 , HTC D 机部部都出到成本黄页咁厚 , 但呢部 E9 就薄左好多 , 厚得 7.56mm , 真系唔知呢部野算唔算 HTC 以来最薄慨手机呢 .
薄还薄 , 见到个镜头真系有D 唔开胃 , 又大又突晒眼咁 , 虾哥我就真系顶唔顺..
.
讲开突眼先讲 , 今年好似部部机唔识突眼就唔叫旗舰机咁 .
HTC 突 , iPhone 6 又突 , Samsung 直头突到好似生鸡眼咁
小米, 你知道你为咩上唔到一线啊 ? 因为你地个总裁 林斌发明咗平底锅 , 拍平左小米Note 个镜头啰 .
而家后悔已经迟左啦 , 下年出部突镜慨补返咪得啰 , 虾哥我系唔系好有商业头脑呢 ?
讲起天才, 早两日我都见到一班天才…
平时收埋系 Apple 店果班天才蓝精灵 , 平时威威食鸡咁用平板同Macbook 出下单整下哩整下啰 , 点知全球天才突然个“脑”放左假 , 天才摇身一变成抄单猿 , 呵呵 , 读书都未必咁勤力啦 .
因咩事班天才要抄书 ? 原来 Apple 死 DNS , 一死就十几粒钟 , 连唔到上 Server , 出唔到单 , 抄住先!!! 系唔系咁讲啊林郑司长 .
标签: 游戏头条 资讯头条 ggamen科技资讯 ggamen科技 ggamen科技资讯头条 科技资讯头条 ggamen游戏财经 新闻网 科技新闻网 科技新闻 ggamen ggamen游戏新闻网 科技新闻网 新闻网 ggamen游戏财经 ggamen科技资讯头条 ggamen科技 ggamen科技资讯 资讯头条 游戏头条 ggamen ggamen游戏新闻网 新闻网 ggamen游戏财经 科技资讯头条 ggamen科技资讯头条 ggamen科技 ggamen科技资讯 资讯头条 游戏头条
